Hósdagin 4. juli letur Studni upp við Hoyvíksveg 72. Studni hevur seinastu árini hildið til niðri við Havnará. Í sambandi við tær bygnaðarbroytingar, sum í løtuni eru í Mentamálaráðnum, verða teir stovnar, sum fyrisita undirvísing, savnaðir í Undirvísingarstýrinum.

Undirvísingarstýrið er ein eind undir Mentamálaráðnum, sum burturav tekur sær av rakstrarliga partinum av skúlaverkinum. Nú Studni eisini er flutt inn, eru Undirvísingarstýrið, Yrkisdepilin, Studni, Musikkskúlaskipanin, Nám og Próvstovan savnaði í sama bygningi.

Á Studna eru sjey starvsfólk. Tey umsita stuðulsveitingar til lesandi og hava yvir 8.000 virkin mál. Árliga varða útgoldnar yvir 120 milliónir í studningi og lestrarlánum.