Aðrir skúlar

Á fíggjarlógini er peningur settur av til "Fólkaupplýsing", ið fevnir um hesi øki:

Føroya Fólkaháskúli (Stuðulsjáttan)
Ítróttaháskúlin í Suðuroy (Stuðulsjáttan)
Háskúlin í Nesvík (Stuðulsjáttan)
Mat- og moldmentanarháskúlin á Sandoynni (Stuðulsjáttan)
Húsarhaldsskúlin (Stuðulsjáttan)
Frítíðarundirvísing (Rakstrarjáttan)
Musikkskúlar (Rakstrarjáttan)
Felagið fyri lesi- og skriviveik (Stuðulsjáttan)
Føroyskt sum annaðmál - Vaksin (Rakstrarjáttan)

 

Føroya Fólkaháskúli er sjálvsognarstovnur. Endamálið við skúlanum er at vekja ans fyri andligum og kropsligum mentum, og at menna føroyska sjálvsfatan og føroyskt medvit.

Ítróttaháskúlin er sjálvsognarstovnur. Endamálið við skúlanum er at veita ungdóminum kunnleika, fimi, arbeiðshættir og málbúnar, sum stuðla tí einstaka næminginum í fjølbroyttu og persónligu menningini.

Endamálið við Háskúlanum í Nesvík er at vekja ans hjá næmingum fyri andaligum, málsligum og siðmennandi virðum umframt likamligari rørslu, ítrivi og øðrum.

Endamálið við Mat- og moldmentanarháskúlanum er at kanna og menna okkara evni at liva eitt frælst, vakurt, stuttligt, sterkt, livandi, andaligt, ríkt og sjálvstøðugt lív, í burðardyggum samspæli við alt livandi í okkara nær- og fjarumhvørvi.

Húsarhaldsskúli Føroya er sjálvsognarstovnur. Skúlin gevur almennandi undirvísing við serligum atliti til heimið og familjuna. Skúlin skipar fyri árligum skeiði, sum er 26 vikur frá august til februar, og fleiri stutt skeið frá mars til juni mánaða.

Kommunurnar fáa stuðul til at seta í verk frítíðarundirvísing, at skipa fyri landsumfatandi frítíðarundirvísing, skeiðum fyri lærarum í frítíðarundirvísingini og útgerð og umboðan til at fyrisita játtanina til frítíðarundirvísing.

Skipaða musikkskúlaundirvísingin í Føroyum virkar eftir Ll. nr. 83 frá 29. mai 2017 um musikkskúlakipan. Musikkskúlastjórin hevur námsfrøðiligu ábyrgdina og samskipar undirvísingina.

Endamálið við játtanini til Felagið fyri lesi- og skriviveik er at veita ein árligan stuðul til felagið, ið hevur sum endamál at hjálpa og stuðla teimum, ið hava lesi- og skrivitrupulleikar.

Arbeitt verður við at seta á stovn Málskúla fyri føroyskt sum annaðmál fyri at tryggja góða integratión.

Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.