Landstýrissmaðurin í Barna- og útbúgvingarmálaráðnum, Djóni Nolsøe Joensen, hevur sett Rannvá Margreta Matras-Olsen í starv sum skúlastjóri í Velbastaðar skúla frá 1. august 2025 at rokna.

Rannvá er 42 ára gomul og býr í Vestmanna.

Hon tók læraraprógv í 2011 frá Føroya læraraskúla og í 2014 ískoytisútbúgving til Bachelor of Education.

Rannvá hevur royndir frá Vestmanna skúla síðani 2011. Hon hevur undirvíst í øllum deildum í skúlanum, á Melini og seinastu 3 árini røkt uppgávuna sum kt-vørður í Vestmanna skúla.

Rannvá fór í 2023 undir leiðsluútbúgvingina Master í leiðslu og skipan á Fróskaparsetri Føroya, og hevur í summar lokið fyrsta stig, diplom á masterstigi í leiðslu og skipan.