Tíðindi

15. august 2019

Avloysarastarv sum útbúgvingarvegleiðari leyst at søkja

 

Eitt starv sum útbúgvingarvegleiðari er leyst at søkja. Talan er um avloysarastarv frá 1. oktober 2019 til 1. august 2020

 

Vit sóknast eftir einum útbúgvingarvegleiðara at veita yvirskipaða vegleiðing og kunna um útbúgvingarmøguleikar og lestrarstuðul bæði í Føroyum og uttanlands.

Starvið

Høvuðsuppgávurnar hjá útbúgvingarvegleiðaranum eru m.a.:

- at vegleiða fólki, sum ætla sær undir hægri lestur uttanlands

- at vegleiða fólki, sum ætla sær undir útbúgving í Føroyum

- at kunna um útbúgvingarmøguleikar í Føroyum og uttanlands

- at veita lesandi beinleiðis vegleiðing og praktiska hjálp

- at vegleiða fólki innan avriksflutning (merit) og skiftislestur

- at kunna og vegleiða um lestrar-, stuðulsmøguleikar og treytir í Føroyum og uttanlands, serliga innan ÚSUN økið

- at kunna um Nordplus og vegleiða umsøkjarum í hesum sambandi

- at skipa fyri enskum málroyndum (IELTS)

- at skipa fyri kunnandi átøkum

- at ráðgeva lestrarvegleiðarum

Førleikakrøv Vit vænta okkum m.a., at umsøkjari:

- hevur kandidat- ella masterútbúgving frá hægri lærustovni

- hevur útbúgving í vegleiðing ella aðra viðkomandi útbúgving

- leggur dent á at veita góða og skjóta tænastu

- hevur góðar fyrisitingarligar førleikar

- dugir væl at samskifta í skrift og talu á føroyskum, norðurlendskum og enskum

- hevur góð evni at samstarva

Vit bjóða

- eitt fjølbroytt starv í støðugari menning og í einum góðum arbeiðsumhvørvi

- eitt sjálvstøðugt starv, har tú fært møguleika til at gera tína ávirkan

- eitt spennandi starv við skiftandi uppgávum og við nógvum samskifti úteftir

Setanar- og lønartreytir Starvið verður lønt sambært sáttmála millum Fíggjarmálaráðið og avvarðandi yrkisfelag. Starvið er avloysarastarv frá 1. oktober 2019 til 1. august 2020.

Útbúgvingarvegleiðarin er staðsettur í Studna og kemur eisini at vera partur av vegleiðaraumhvørvinum á Vegleiðingarstovuni. Tann, sum verður settur í starv, má tola møguligar broytingar í starvinum.

Umsókn Umsókn við prógvum o.ø. skulu sendast til:

Studna Hoyvíksvegur 72 Postrúm 9 110 Tórshavn ella t-post umsokn@studni.fo

Umsóknin skal vera okkum í hendi í seinasta lagi 5. september 2019. Starvið verður at seta 1. oktober ella skjótast tilber.

Um tú ynskir fleiri upplýsingar um starvið, kanst tú ringja til Jørgen Meitilberg, leiðara á Studna, tlf. 555080.


23. november 2020
Kapping um navn á nýggjari KT-skipan
16. november 2020
Nordplus webinar 8. desember. Tilmeldingarfreistin er 4. desember
06. november 2020
Leiðari at standa á odda fyri KT heildarætlanini
30. oktober 2020
Markleys útbúgving
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.