Undirvísingarstýrið hevur sett Kristionnu Mortansdóttir í starv sum verkætlanarleiðara á Vegleiðingarstovuni, ið húsast við Hoydalsveg 1. Hon byrjar í starvinum 1. oktober 2019.

Kristianna er kandidatur í sponskum og religión og hevur lokið MA útbúgving í vegleiðing. Kristianna hevur seinastu árini verið lestrarvegleiðari og samskipari í lestrarvegleiðingini á Glasir.

Sum verkætlanarleiðari skal Kristianna komandi árið standa á odda fyri at skipa og menna Vegleiðingarstovuna, sum skal veita vegleiðing og virka sum samskipandi eind av útbúgvingar- og yrkisvegleiðingini í Føroyum.