Tíðindi

18. oktober 2019

Nýggjar upp- og afturlatingartíðir í Vegleiðingarstovuni

Nýggjar upp- og afturlatingartíðir í VegleiðingarstovuniVegleiðingarstovan á Hoydalsvegi 1 lat upp í juli mánaði í ár.  

Vegleiðingarstovan veitir lívlanga vegleiðing í sambandi við val av útbúgving og arbeiði, og er fyri allar borgarar í Føroyum. Útbúgvingarøkið og arbeiðsmarknaðurin eru í støðugari broyting, og tað kann mangan tykjast kravmikið og torført at finna røttu leiðina í øllum møguleikunum. Tí er alneyðugt, at øll hava atgongd til at tosa við ein vegleiðara, sum kann vegleiða við at finna á røttu leiðina.

Fleiri vegleiðarar eru knýttir at Vegleiðingarstovuni, og eru øll lestrar- og yrkisøki  umboðaði, hetta fyri at tryggja holla vegleiðing innan skúlagongd, hægri útbúgving, lestur uttanlands, um karrieruskifti, um ymiskar vinnumøguleikar, og um hvussu førleikameting gerst møgulig.

Umframt andlit til andlit-vegleiðing, so verður sonevnd e-vegleiðing eisini partur av Vegleiðingarstovuni. Hetta er ein talgild vegleiðingartænastu, sum er savnað á okkara heimasíðu, har til ber at ringja, skriva teldupost ella tjatta við ein vegleiðara. Hendan skipan loyvir fólki at leita sær vegleiðing óansæð hvar mann er stødd / staddur eftir upplatingartíð í Vegleiðingarstovuni, t.d um kvøldið og í vikuskiftinum. Hjá summum er hesin møguleiki betri enn at koma í Vegleiðingarstovuna. Hendan skipan er tó ikki liðug enn, men væntandi gongur ikki long tíð innan vit kunnu veita e-vegleiðing, so at allir føroyingar kunnu fáa vegleiðing á jøvnum føti.

Nú ber til at ringja á 200910 ella skriva til vegleiding@uvs.fo og leita sær vegleiðing, ella avtala tíð at koma í Vegleiðingarstovuna á Hoydalsvegi 1. Øll eru vælkomin at støkka inn á gólvið at práta í Vegleiðingarstovuni uttan at bíleggja sær tíð frammanundan.

 

Upp- og afturlatingartíðirnar í Vegleiðingarstovuni:

Mána- og týsdag: 10 – 16

Mikudag: 10 – 18

Hósdag: stongt, tó ber til at gera avtalur hendan dag.

Fríggjadag: 10 – 14

Tó er longri opið í sambandi við umsóknarfreistir o.a. Hetta verður lýst í miðlunum


04. desember 2019
UCAS vegleiðing
25. november 2019
Nærum 2000 fingu stuðul frá Studna til hægri lestur í fjør
20. november 2019
Kunning um NORDPLUS
04. november 2019
Vegleiðingarstovan kring landið – kom og tosa um tínar framtíðarætlani…
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.