Tíðindi

16. mars 2020

Aftur færri hava søkt inn á miðnám

Tá ið freistin at søkja inn á miðnámsútbúgvingarnar var úti á midnátt í gjár, vóru 919 umsóknir komnar inn. Hetta eru 91 umsóknir færri enn í fjør, ið er ein minking á 10 prosent. Eins og undanfarin ár eru tað fleiri gentur enn dreingir, ið søkja inn á miðnám. Í ár eiga genturnar 58 prosent av øllum umsóknunum, og tað er hægsta talið síðan 2015.

40 % av øllum umsøkjarunum vilja sleppa inn á hug- ella náttúrubreytina. Síðan 2015 eru gentur betri umboðaðar á øllum gymnasialu breytunum uttan á búskaparbreytini og tøknibreytini. Gentur hava eisini betri umboðan á heilsuútbúgvingunum. Dreingir eru hinvegin betri umboðaðir á yrkisútbúgvingunum og á serligu tilboðunum.

Síðan 2015 hevur talið á umsóknum verið í støðugari minking, til samans er talan um 301 færri umsóknir ella eina minking á 25 prosent.

Meðan gongdin á miðnámi hevur verið minkandi, er talið av lærusáttmálum hækkað við 91 í tíðarskeiðinum 2015-2019. Hetta svarar til ein vøkstur á 32 prosent.

Farið verður nú undir at viðgera umsóknirnar, og umsøkjarar fáa svar hósdagin 23. apríl 2020.

 

 


22. januar 2021
Frítíðir og frídagar í fólkaskúlanum skúlaárið 2021/2022
07. januar 2021
Undirvísingarstýrið søkir eftir løgfrøðingi
18. desember 2020
Jobmatch 2020 - uttan landafrøðiligar avmarkingar
14. desember 2020
Fulltrúi til vinnu- og miðnámsskúlaøkið
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.