Tíðindi

20. september 2020

Koronasmitta staðfest á tveimum skúlum

Landslæknin hevur í dag boðað frá, at ein familja í Havn er vorðin smittað við Covid19. Børn teirra ganga á Glasi, einum fólkaskúla og einum barnaansingarstovni í Tórshavnar kommunu. Við tað, at Landslæknin ikki er greiður yvir, hvaðani smittan stavar, og um hon hevur spjatt seg, er eitt úrval undir Mentamálaráðum í dag komið til ta niðurstøðu, at allir næmingar á Glasi, fýra flokkar í fólkaskúlanum og teirra lærarar og børnini og starvsfólk í barnagarðinum eiga at verða kannað fyri Coronasmittu  í dag, sunnudag, og so aftur mikudagin. Øll tey kannaður eiga at vera við hús, til onnur kanningin mikudagin er negativ. Nærri boð koma frá stovnunum beinleiðis til teirra, sum skulu koma til kanningar. 

Uppdatering:

Vísandi til tíðindini í Kringvarpinum í kvøld, sunnukvøld, vil Undirvísingarstýrið nágreina, at tey, sum skulu kannast fyri Korona sum skjótast og verða heima, til tey hava fingið svar upp á kanning, sum aftur verður gjørd mikudagin, eru allir næmingar og lærarar á Glasi, næmingar í fýra flokkum í Skúlanum á Fløtum, sum ganga á Ítróttarrásini, sum heldur til í Gundadali og teirra lærarar. Talan er sostatt ikki um allar næmingar í Skúlanum á Fløtum

Hava tit ítøkiligar spurningar hesum viðvíkjandi, kunnu tit seta tykkum í samband við leiðsluna á viðkomandi skúla.

 


26. mars 2024
Starv sum skúlaleiðari í Nólsoyar skúla
26. mars 2024
Starv sum skúlaleiðari í Sumbiar skúla
18. mars 2024
Á leið sama umsøkjaratal á miðnámi
12. mars 2024
Kt-arkitektur og scrum master til KT-heildarætlanina fyri undirvísinga…
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.