17. november 2022 skipa Undirvísingarstýrið og NVL fyri ráðstevnu í Havn um inklusjón og førleikamenning. Ráðstevnan vendir sær serliga til tey, sum á onkran hátt hava eitthvørt við hesi nevndu viðurskifti at gera. Tað kunnu vera myndugleikar, leiðslur, skúlafólk, vegleiðarar og onnur áhugað, ið arbeiða við inklusjón og integratión, serliga við atliti at førleikamenning ella eftirútbúgving.

Á ráðstevnuni verður varpað ljós á týdningin av førleikamenning í sambandi við inklusjón og integratión. Tað verður mett at hava stóran týdning fyri eitt nú støðufesti til arbeiðsmarknaðin, at vaksin við lítlari ella ongari útbúgving hava umstøður at førleikamenna seg, samstundis sum tey eru á arbeiðsmarknaðinum og hava møguleika at arbeiða. Føroyar fáa væntandi seinni í ár ella tíðliga næsta ár eina nýggja integratiónslóg, sum m.a. eisini fer at taka atlit til hesar spurningar, og tað ger eisini spurningin um førleikamenning og integratión serliga viðkomandi fyri okkum.

Meira er at lesa um ráðstevnuna her

Trý tema, sum verða umrødd og viðgjørd í verkstovum:

Samskipan og samstarv um inklusjón og integratión
Raðfestingar av tilboðum í sambandi við inklusjón og integratión
Almenna kunningin, ið skal fremja inklusjón og integratión

Ráðstevnan verður skipað við framløgum, fyrilestrum, verkstovum og bólkaarbeiði. Framløgurnar verða á føroyskum, tó onkur á norðurlendskum máli, og ráðstevnumálið er føroyskt. Kaffi verður at fáa fyrrapart og seinnapart, umframt ein máltíð á middegi.

Skráin fyri ráðstevnuna

9:00 – Jenis av Rana landsstýrismaður í undirvísingarmálum setir seminarið

9:10 – Annika Mellemgaard (lestrarvegleiðari á Glasi): NVL og norðurlendskt netverkssamstarv um vaksnamannaútbúgvingar, harímillum NVL Digital.

9:20 – John Dalsgarð (samskipari av førleikameting í Føroyum): Førleikameting og inklusjón

9:30 – Maiken Skarðenni (vegleiðari á Vegleiðingarstovuni): Lívlong vegleiðing sum liður í inklusjónsarbeiðinum

Kaffisteðgur 20 min

10:00 – Elisabeth Holm (samskipari á Fróðskaparsetri Føroya): Inklusjón/integratión í Føroyum

10:45 – Ebba Ossiannilsson (granskari í innovatión og fjarundirvísing): Talgildir førleikar og inklusjón

11:30 – Hjalmar Hansen (stjóri í Undirvísingarstýrinum): Almennu tilboðini um førleikamenning, ætlað tilflytarum

Miðmál 1 tími

13:00 – Jógvan Sørin Hansen (leiðari á Tórshavnar Kvøldskúla): Kvøldskúlans leiklutur og tilboð í integratiónshøpi

13:20 – David Im (integratiónssamskipari á Útlendingastovuni): Virksemið og uppgávurnar hjá Útlendingastovuni

13:40 – Berlys Toftadal (skúlastjóri í Fuglafjarðar skúla): Møguleikar og umstøður fyri inlkusjón/integratión í føroyska samfelagnum

14:00 – Fía Lindenskov (integratiónssamskipari hjá Tórshavnar kommunu): Um integratiónspolitikkin hjá Tórshavnar Kommunu

Kaffi við til verkstovurnar

14:30 – Verkstovur – Høvuðsspurningur: Hvat gera vit fyri at fáa eitt burðardygt og væleydnað inklusjónsarbeiði at virka í føroyska samfelagnum, við serligum atliti at førleikamenning.

Verkstovurnar verða tríggjar:

Samskipan og samstarv um inklusjón og integratión 
Raðfestinar av tilboðum og tænastum í sambandi við inklusjón 
Almenna kunningin og samskiftið, ið skal fremja inklusjón 
15:30 – Verkstovurnar gera stutta niðurstøðu frá kjakinum

16:00 – Takk fyri í dag

Ráðstevnan verður á Hilton Garden Inn hósdagin 17. november, kl. 9.00 til 16.00. Tekningarfreistin er 1. oktober 2022.